Афсонавий боксчи Флойд Мейвезер ва собиқ UFC чемпиони Конор Макгрегор реванш жангига яқин турибди.
Агар Флойд ўзининг профессионал рекордини ўртага қўйса, Конор жангга рози бўлади. Бу жанг кўргазма эмас, расмий жанг бўлади. Жанг 70,3 кг вазнда бўлиб ўтади.
Флойд учун бу охирги жанг бўлиши мумкин. Битим якунланиш арафасида. Иккала томон ҳам шахсий шартларда келишиб олдилар. Бу якуний шоу бўлади.
Мейвезер буни ўз даврининг охирги қисми эканлигини таъкидлаб, ДЕрвонта Дэвис даври келаётганлиги ҳақида фикр билдирди. Унинг фикрича, бу биз кўрадиган энг катта бокс кечаси бўлади. Мейвезер одамлар ҳаяжонли нарсага тайёр бўлишлари кераклигини таъкидлади.
Айни дамда раундлар сони бўйича музокаралар давом этмоқда. Конор жамоаси ушбу жанг 10 раундлик бўлишини хоҳламоқда. Аммо ҳалигача раунд масаласи ҳал бўлмаган. Лекин бугун-эрта жангнинг тўлиқ тафсилоти маълум қилинади.
Эслатиб ўтамиз, 2017 йилда Мейвезер ва Макгрегор ўртасида дастлабки жанг бўлиб ўтган. Унда Мейвезер Конорни ўнинчи раундда техник нокаутга учратган эди.
